E otro banda di medalla – Bestuur SMOA – Colegio Arubano2020/06/03

 
Bestuur a haya keho di bullying entre docente foi diferente docente y por actua cu man duro pa stop esaki ya cu esaki ta contra tur norma y ley. Ta parse cu tin un grupito di docente cu ta bully otro docente pa firma pa asina hanja poder awo cu e rector a bandona e scol y, ta haci esaki a base di mentiras.

Tambe tabatin tin un carta den media cu SMOA a wak firma door di un hende. E no tabata dirigi na SMOA pero door cu ta acusacionan falso, a contesta riba tur punto cual SMOA tin prueba di dje. Si, tabatin algo di berdad, nan mester prueba esaki y bai OM haci denuncia.

Cerca SMOA, tur cos ta wordo controla door di e departamento di accounting den scol y un compania di accounting pafo ta double check esaki. SMOA ta un di e poco institutonan cu ta zorg tur anja pa su jaarrekening ta na ordo y ta manda copia pa Ministernan, departamento di Enseñanza, departamento di Finansas, Algemene Rekenkamer, Bisdom y Centrale Accountantsdienst.

Bestuur ta lamenta cu ta tira cu lodo cu mal intenshon door di supuesto presidente di ALV. SMOA nunca a ricibi carta cu e meneer aki ta e president nobo di ALV. Y nos no sa ken e meneer ta representa ni a base di kiko. Pero si e meneer tin curashi di molestia y instiga nos docentenan, strobando e school di duna bon calidad di educacion na nos studiantenan.

SMOA ta traha a base di Good Governance y nunca ALV no a pidi un meeting y nunca SMOA a ricibi un carta di keho pa ultimo tres aña nan por lo menos. Bestuur di SMOA ta solamente traha a base voluntario y gratis pa supervisa y conseha schoolleiding y no ta encarga cu uitvoering.

SMOA ta den contacto cu varios grupo di scol y tur menos uno ta papia y sinta na mesa. Tur hende kier pas y papia den bon comunicashon pa resolve cualkier problema cu por tin. Si president nobo di ALV tin e interes di nos studiantenan y su coleganan na pecho, elo stop cu su actitud di instiga y bully, zorg pa e duna educacion ariba nivel y communica cu SMOA directamente na luga di usa prensa pa accusacion falso y kehonan sin investigashon of wederhoor.

SMOA tambe tin miembro den vakbond y tin bon comunicashon cu vakbond. E procedura semper ta pa dialoga prome, despues carta y despues vota pa protesta or bai media si mester. No omgekeerd. I SIMAR no ta para tras di ALV.

Huntu cu e management team nobo – SMOA ta haci tur cos na su alcanse pa recupera e tempo perdi door di Covid-19.

E bon noticia ta cu e muchanan ta bajendo bon, scol a habri y cu;
– Inspectie a aproba pa nos tin summer school como remediering,
– tambe nos ta cumpra bukinan direct for di proveedor y asina logra pa reduci e gastonan pa majornan,
– SMOA ta sigui cu mantenshon den zomer.

SMOA ta existi di un Bestuur profesional, drechi y responsable.